Welkom op de website van ut RAAF

hèllep en deil dees website mèt uch vrunj!  

’t Waor op ’t letst van de zomer van 1996, dat enkele ex-adjudante veur ’t eesj bie ein kaome. Destieds nog biej ’t awtste Cafe van Gelaen, Café Bertha, op de Riekswaeg Noord (oppe foto: 't auwe pandj van café "Biej Bertha", woo in taengewoordig 't bedrief IDHW is gevestigd). Veer es Awt Adjudante waore dao oetgeneudigd op initiatief van de Flaarisse en enkele leeje van de Soosjeteit Awt Prinse van de Flaarisse (SAP).

’t Doel van die biejeinkomst waor om te bekieke of d'r ein club geformeerd koosj waere van Awt Adjudante. Ut veurnaamste doel van dees klub zou zeen ’t opvange van de Adjudante die jeeder jaor aaftreeje in de Hanenhof. Daobie waore de Flaarisse op zeuk nao ein club die 't traditionele vlaghijse biej de Sjtadsprins wouwe organiseere. De Buuleblaozers, die dit jaore gedaon heije, wilde gear ’t sjtekske euver gaeve aan angere.

Nao ein of twee vergaderinge waor d’r neet geliek ein groot draagvlak veur dees vereiniging. Mèr nao ein derde vergadering, woort d’r toch besjlaote om de hènj inein te sjlaon en van sjtart te goan. ’t RAAF waor gebaore.

Ut eesjte joar sjtong veural in 't teike van veul algemeine zake regele. D’r moosj vanalles gebeure om ’t RAAF vorm te gaeve. Gelökkig waor d’r veul hulp bénne ut Gelaense. Zo teikende o.a. Ruud van Wersch os logo, wat veer noe nog sjteeds gebroeke. Naodat veer alles zo’n bietje gereegeld heije, ginge veer es greun vereiniging de vastelaovend in. Veer belaefde ein fantastisch sezoen, mèt es hoogtepunt ’t eësjte vlaghijse biej Prins Hans 4e Lemmens. 't Sezoen waor gesjlaag en de basis veur 't RAAF woar gelag!


Inmiddels is 't tweede jubileum alweer gewaes en is 't RAAF ein enthousiaste club Awt Adjudante, mèt meer es 30 actieve leeje. De aafgelaupe joare höbbe veer veul nuuje leeje maoge begroete. Veer kènne boewe op de inzèt van jeederein, en de sjteun van alle Gelaense vastelaovesgèkke. Veer haupe dat veer nog joare en joare aktief kènne blieve in 't Gelaense!.

Veer zeen bliej mèt ozze sjponsoore!

Wilt geer os auch sjteune, doot dan ein kleine donaatie en kòm biej de vrunj van ut RAAF

Dees website en alle andere ICT zaake waere geregeld door

Open2Bizz - dé odoo specialist