Sjponsorbreef 2017
Danke alweer
Leef Vrunj van ’t RAAF,
2017 Is al meer dan hauf aan de gang en noe höb geer ózze jaorlikse sjponsorbreef al op de mat ligke, worom is dat?
In 1996 hobbe zich ein zevental Awt Adjudante biej ein gepak en ut RAAF opgerich hetgeen beteikent dat veer in het seizoen 2017-2018 os 2 x 11 besjtaonsfees gaon viere. Dit te beginne op 11 november in os Stamineeke, Cafe De Kroon, mit ein geweldig fees vanaaf 20.11 oer, kiek nao de biegevoogde flyer. De men die vanaaf ut begin d’r bie zin: Thomas Pot, Ron Gräper, Eric Houben, Jan Stevens, Pascal Lemeer en Ruud Looijen, Roel Rothkrans is 1 x 11 jaor jubilaaris!
In os Jubeleumsezoen pakke veer flink oet mit ein aantal Vastelaoves aktiviteite en ‘dikke’ artieste die elkaar sjnel opvolge; ut jubeleumsezoen haet os noe al in de greep. 2017 waor veur ós weer ’n memorabel jaor: Sjtadsprins Sander I (2017-2018) haet ’t behaag óm 2 echte carnavalisten op te rópe veur ’n aktief deensjaor es adjudant; Joey Luyten en kameraod Roij Driessen höbbe de hooglustigheid ein jaor langk maoge biejsjtaon. Beide toppers hobbe aangegaeve te wille toetraeje bie ut RAAF, woomit oos Regiment weer groter wurd, geweldig!
Mèt veul succes hobbe veer weer ut Vlaghijsse aan de Sjpaorsjtraot gepresenteerd door némes minder es de broeders Grimbergen. Neet te vergaete haet ós, óngertussje traditioneel, ‘RAAF sjpant de Kroon’ auch in 2017 op ’n grandioze wieze de Gelaense Vastelaovend aafgetrap, kommend jaor in ein heus paviljoen!
Veuroetkiekend nao oos jubeleumsezoen vraoge veer uch alvas de volgende hoogtepunte in uch agenda te sjrieve:
• Zaoterdig 11 november 2017 -- ’t RAAF zet De Kroon oppe kop’ in oos Stamineeke De Kroon, sjtart jubeleumsezoen 2 x 11 jaor RAAF
• Zóndig 28 jannewaarie 2018 -- 24e Euregionaal Gardetreffe vanaaf 10.00 oer bie De Kroon, vervolgens Optoch en dan aafsjloeting vanaaf 13.00 oer bie De Biesenhof, onger aan de Sjweikeseberg
• Zondig 4 fibberwaarie 2018 -- Vlaghijse oppe Residentie van de Sjtadsprins van de Waereldsjtad
• Vriedig 9 fibberwaarie 2018 -- ’t RAAF sjpant De Kroon’ in oos Stamineeke oppe hook Riekswaeg-Raodhoessjtraot Daonaeve zult geer ós natuurlik auch op de neudige resepsies en zittinge taegekómme en kènt geer d’r op vertroewe dat veer ós weer maximaal zulle insjpanne óm de Gelaense vastelaovend tot ’n sjpektakel te maake.
Dit alles is neet meugelik zónger uche geldelikke sjteun. In oos Jubeleumsezoen jaor kènt geer ós weer sjteune, gaer zellefs. Of geer dat doot en mèt wellik bedraag is natuurlik gans aan uch. Veer wille uch in eder geval mètgaeve dat eder biejdraage door ós biezönjer gewaardeerd weurt en good gebruuk zal waere om oos Jubeleumsezoen onvergaetelik te maake !
’t Raekeningnummer van ’t RAAF vèngk geer hiej baove aan. Ós cadeau veur de Waereldsjtad wurd mit ein aantal feeskes gevierd en missjien kump d’r dan ein vervolg op den 11e van den 11e wie veer ut dit jaor inzette, wae wet!
Veer kènne in eder geval neet wachte óm d’r saame mèt uch weer een knallend sezoen van te gaon maake, zeker in oos 2 x 11 jaorig jubeleumsezoen.
Mit Vastelaovesgroet, ALAAF,
Regiment Awt Adjudante Flaarisse, ut RAAF.
